Úr siðmenningunni í snákana

19. júní.

Bara nokkrar línur áður en ég yfirgef hina fögru Mikkelí og gerist sveitastúlka í Halmenieni. Halmenieni er lítið sveitaþorp og þar skammt frá á Kapiainen-fjölskyldan "en liten stuga" þar sem við munum dvelja næstu daga. Mér skilst að Finnar flykkist nú í sumarhúsin sín, haldi upp á miðsumarið með stæl, kveiki elda, haldi dansleiki, grilli og drekki vodka úr staupum sem hafa verið skorin út úr feitum "korvum" (pylsum).   Í sumarhúsinu er ekkert rennandi vatn, bara sánan og vatnið  við bæjardyrnar þar sem við munum skola af okkur svitann. Salerni er ekki í boði, bara kamar í garðinum eða sjálf náttúran. Það fór í gang hér mikil snákaumræða í gærkvöldi og mér líst ekki meira en svo á blikuna. Af fjórum tegundum af snákum í Finnlandi er einn eitraður og þó mér hafi ekki fundist ýkjur einkenna Finnana hingað til vona ég að þeir hafi krítað liðugt í gær. Að minnsta kosti lýstu þeir af innlifun þykkt og lengd snákanna og ég býst alveg eins við að verða étin upp til agna rétt á meðan ég sinni kalli náttúrunnar í skóginum. Ef snákarnir verða mér ekki að aldurtila þá verða það hugsanlega helvítis mýflugurnar sem virðast elska íslenskt blóð.  Ég ætla samt að taka þessu með stóískri ró og lifa mig inní það sem Finnar segja einkenna þá á þessum árstíma, "easy life" og notalegheit. Bróðir Paiwi býr í þorpinu og þar er tölvusamband svo ég næ kannski að skrifa nokkrar línur af og til.

Hvíti kjóllinn er nú vandlega samanbrotinn í töskunni og verður notaður á dansleikjum eins og til stóð. Við erum búin að fylla bílinn af allskyns dóti og leggjum af stað innan tíðar. "Ekkert stress," segja þau, "við þurfum bara að vera mætt í blakið klukkan sjö." Það var nefnilega það.   

Athugasemdir

[Alda (IP-tala skráð) 19.6.2007 kl. 18:41]

Elsku Edda

Gaman að lesa hvað það er gaman hjá þér. Vildi alveg fá þig í heimsókn hingað næst :-)

Hafðu það nú gott á afmælisdaginn og ég hef lagt milljón á reikninginn þinn, númerið það var xxxxx er það ekki. Njóttu vel.

Alda , Florida 

[Halla (IP-tala skráð) 21.6.2007 kl. 10:17]

Til hamingju með afmælið elsku mamma mín !! Ætli það sé nokkuð til betri leið til að fagna afmælinu sínu en í óbyggðum Finnlands umkringd snákum og mýflugum, held barasta ekki!

Ást, kossar og knús frá fjölskyldunni!!

[Anna Sigurbjörg Sigurðardóttir (IP-tala skráð) 21.6.2007 kl. 15:52]

Hæ Edda mín

Til hamingju með daginn elsku vinkona. Hafðu það sem allra best og takk fyrir símtalið.

 Kv. Anna

[Geir Agnar Guðsteinsson (IP-tala skráð) 24.6.2007 kl. 23:17]

Gaman að heyra að þú fílar þig í þúsund vatna landinu. Skrifaði um daginn grein um freelanceráðstefnuna í BLAÐAMANNINN. Er núna í smá pásu frá útgáfustarfseminnni og skrapp norður til Akureyrar til að hitta dóttur mína og hennar fjölskyldu, ekki síst nafna minn!

Það var heitt í rútunni til Köben, en það versta var að auðvitað stóðst áætlun Icelandair ekki, svo við tók 7 tíma bið á Kastrup. SHIT! Var kominn til Keflavíkur tveimur tímum fyrir fund sem ég varð að mæta á. Það var frekar syfjaður ritstjóri sem hann sótti. Nú fara fram deilur um það hvort næsta freelanceráðstefna sem fyrirhuguð var í Kirkenes og Rússlandi sé of dýr. Það skýrist á næstunni og ef það gengur ekki verður sennilega fundað á vesturströnd Noregs, t.d. í nágrenni Stavanger eða Ålesund.

kveðjur,